Vitamina është thelbësore për mbajtjen e shëndetshme të gjakut dhe qelizave nervore, dhe mund të mbrojë flokët tuaj nga thinjat.

Edhe pse thinja e parakohshme është një problem i zakonshëm, mund t’i bëjë disa njerëz të ndjehen keq me veten.

Disa studime të kohëve të fundit kanë treguar se një mangësi ushqyese mund të ketë një ndikim të madh në flokët tuaj, dhe rekomandojnë që njerëzit të sigurohen që po konsumojnë mjaftueshëm Vitaminë B12.

Ajo është e përfshirë në ndihmën e trupit që të bëjë qelizat e kuqe të gjakut dhe mbajtjen e sistemit nervor të shëndetshëm.

Mikronutrientët, veçanërisht Vitamina B12, mund të ndikohen nga zakonet dietike. Nëse hani mish, peshk ose ushqime të qumështit, duhet të jeni në gjendje të merrni mjaftueshëm vitaminë B12 nga dieta juaj, këshillon NHS.

Vitamina B12 nuk gjendet natyrshëm në ushqime të tilla si frutat, perimet dhe drithërat, kështu që veganët mund të kenë më shumë gjasa të zhvillojnë një mangësi. Burimet e mira të vitaminës përfshijnë mishin, peshkun, djathin, vezët dhe disa drithëra që hahen për mëngjes.

Burimi: Telegrafi

The post Flokët e thinjura mund të shkaktohen nga mungesa e kësaj vitamine appeared first on Bioutiful.

Shkenca tashmë ka treguar që stresi i bën flokët të bardhë, ajo që nuk dihej është se mungesa e stresit mund të ketë efektin e kundërt dhe të bëjë që flokët tanë të rimarrin ngjyrën. Ky përfundim del nga një studim i botuar në eLife , i cili shpjegon se si ngjyra e flokëve mund të rikthehet duke gjetur qetësi.

“Kuptimi i mekanizmave që lejojnë flokët e bardhë të rimarrin pigmentimin e tyre origjinal mund të sigurojë të dhëna të reja mbi lakueshmërinë e plakjes dhe le të kuptojmë si ndikohet nga stresi ”, thekson Martin Picard, një nga autorët.

Kur flokët janë akoma nën lëkurë (si gjëndra) ato ndikohen nga hormonet e stresit dhe çfarë ndodh në trupin dhe mendjen tonë. Sapo të dalin nga lëkura e kokës, ato ngurtësohen dhe kristalizohen në një formë të qëndrueshme. “Plakja nuk është një proces linear, por mund të ndryshohet, të paktën pjesërisht, ose edhe të kthehet përkohësisht”, thotë Picard.

NUK DUHET TE STRESOHENI.

Studiuesit studiuan flokët e 14 vullnetarëve, duke përdorur një metodë inovative që i lejoi ata të kapnin imazhe të hollësishme të pjesëve të vogla të flokëve dhe të analizonin humbjen e tyre të pigmentimit. Çdo seksion, rreth 1/20 e një milimetër të gjerë, korrespondon me rreth një orë të rritjes së flokëve. Rezultatet treguan se individët më të stresuar ishin ata me flokë më të thinjur, por jo vetëm: “Një nga vullnetarët, gjatë pushimeve, rifitoi ngjyrën në pesë qime që ishin zbardhur nga stresi”, shpjegon Picard.

Për të kuptuar më mirë sesi ndikon stresi në ngjyrën e flokëve tanë, studiuesit matën nivelet e mijëra proteinave, duke zbuluar variacione përgjatë gjithë gjatësisë së flokëve. Rezulton se ndryshimet e shkaktuara nga stresi në mitokondria mund të jenë arsyeja për thinjen e flokëve: “Mitokondritë janë si antena të vogla brenda qelizave që i përgjigjen sinjaleve të ndryshme, përfshirë stresin psikologjik”, shpjegon Picard.

ASNJË MREKULLI. 

E rëndësishme është të mbani mend se një jetë e vrullshme, e vetme, nuk mund të jetë përgjegjëse për ndryshimin e ngjyrave të flokëve tanë, dhe për këtë arsye nuk mjafton të jemi të relaksuar për të parandaluar shfaqjen e flokëve të bardha përgjithmonë. 

Stresi, në fakt, është një faktor që i shtohet faktorëve të tjerë para-ekzistues, të tilla si mosha biologjike dhe të tjerët: në të vërtetë, nuk ka gjasa të mendosh se një fëmijë dhjetëvjeçar mund të griza për shkak të një periudhe të lartë stresi, siç është, anasjelltas, nuk është për të shpresuar se një shtatëdhjetë vjeçar që ka flokë të bardhë prej vitesh, papritmas do ta gjejë veten me flokë të errëta falë një periudhe relaksimi.

Burimi: Focus.it

The post A mund të kthehen flokët e zbardhura nga mosha, në ngjyrën e tyre origjinale? appeared first on Bioutiful.

Për të kuptuar nëse një produkt kozmetik, përvecse është efikas, është edhe vërtet i mirë dhe i shëndetshëm për lëkurën, duhet të lexojmë me kujdes etiketën e produktit në të cilën renditen të gjithë përbërësit e produktit.

Përsa i përket produkteve për flokët, psh shampot, në etiketë do të lexojmë në vend të parë si përbërës, ujin. Më pas renditen tensioaktivet, lëndet aktive dhe konservantët. Pikërisht këto janë disa nga përbërësit të cilët e klasifikojnë një produkt si natyral apo sintetik.

Tensioaktivet eco-bio në shampo dhe në balsamet për flokët

Tensioaktivet janë ndër përbërësit e parë në një produkt për larje, si të lekurës ashtu edhe të flokëve dhe përfaqësojnë 40% të përbërësve në total të produktit. Tensioaktivet janë në gjendje të ulin tensionin sipërfaqësor të ujit duke pastruar lëkurën.

Këta përbërës lejohen të përdoren në kozmetiken ECO-BIO, por vetëm ata me origjinë vegjetale pra të ekstraktuar nga vaji i kokosit ose vaji i palmës.

Për të kuptuar se cilët janë tensioaktivet që përmban një shampo mjafton të lexojmë etiketën e përbërësve në kutinë e produktit. Në etiketë këta përbërës janë të renditur nga më i përqendruari tek ai më pak i përqëndruari.

Tensioaktivet më të përdorur në shampo ECO-BIO janë: Decyl glucoside, Lauryl glucoside, Coco glucoside, Sodium lauroyl sarcosinate, Babassamiopropyl betaine, Coamdopropyl betaine, Sodium cocoamphoacetate, Glycerin, Lauryl glucoside, Sodium Cocoyl glutamate.

Në shampo të cilat janë produkte eco – bio të certifikuara nuk duhet në asnjë mënyrë të jenë përdorur dhe të rezultojnë në etiketën e produktit tensioktivet me origjinë sintetike të cilët janë agresive për lëkurën si SLS (Sodium laureth sulfate) e SLES (Sodium lauryl ether sulfate).

Lëndët vepruese në produktet eco-bio për flokët

Lëndët vepruese ose përbërësit funksionalë në shampo dhe balsame kanë si funksion të zbusin flokët, ti mbrojnë nga tharja, nga teprica e yndyrës dhe nga zbokthi.

Ndër lëndët vepruese eco-bio që përdoren në shampo janë:

qeramidet vegjetale që forcojnë flokun dhe e rigjenerojnë atë
kolagjeni vegjetal i cili hidraton dhe zbut flokun
proteinat e sojës dhe të orizit të cilat forcojnë dhe hidratojnë flokun

Përbërës eco- bio vegjetale të tjerë që përdoren në shampo për flokët janë: Aloe vera gel, ekstrakte të Hithrës, të Cajit jeshil, të Kamomilit, Propolis, Mjalti etj.

Konservantet dhe parfumet në shampo

Substancat aromatike dhe konservantet renditen në fund të etiketës së produktit kozmetik sepse gjenden në përqindje të vogël 1-2%.

Ndër konservantet eco-bio në një produkt kozmetik natyral nuk duhet në asnjë mënyrë të gjejmë Parabenet, të cilat janë të dëmshëm për lëkurën dhe flokët.

Konservantet e lejueshëm eco-bio janë: Sodium sorbate,Potassium benzoate, Sodium Dehydroacetate.

Shumë shpesh produktet kozmetike eco-bio aromatizohen me fragranca natyrale dhe jo sintetike ose me vajra esenciale.

Në shampo eco-bio natyrale përdoret vaji esencial i Rozmarinës i cili parandalon rënien e flokëve, vaji esencial i pemes së cajit i cili ka veti të eliminojë zbokthin, vaji esencial i Sherebelit dhe vaji esencial i Limonit që kanë veti të eliminojnë yndyrën.

Kujdes, vajrat esenciale edhe pse janë përbërës me origjinë natyrale mund të japin alergji në persona të predispozuar sepse përmbajnë alergjene.

Çertifikimi i produkteve kozmetike natyrale

Për ta bërë sa më të thjeshtë zgjedhjen e një produkti kozmetik natyral duhet të bëjmë referim certifikimit të atij produkti.

ICEA (Environmental and Ethical Certification Institute) është një certifikatë e cila vërteton se produkti në fjalë është eco-bio kozmetike sipas standarteve europiane.

Nëse në kutinë e produktit kozmetik nuk gjendet certifikata e mëposhtme atëherë ai produkt nuk është eco-bio natyral.

Burimi: BioVita.al

The post Si të njohim produktet kozmetike BIO për flokët appeared first on Bioutiful.