Andaj ju ftojme qe te jeni pjese e ketij touri, duke vizituar pamjet me mahnitese qe na ofrojne peisazhet e Rahovecit.

Numri i pjesemarresve eshte I LIMITUAR për shkak te masave anti-Covid, shkruani ne faqen e HardhFest ne Facebook.

The post Hardh Bike Tour – 15 Tetor 2021 appeared first on Bioutiful.

“Festa e Rakisë”, e kthyer në një festë tradicionale tashmë në paketën e festave të Korçës, do të mbledhë këtë fundjavë në fshatin Boboshticë, vizitorë, turistë dhe banorë të zonës, për të festuar dhe shijuar prodhimet lokale të zonës.

Kryetari i bashkisë së Korçës, Sotiraq Filo, u shpreh se përmes kësaj feste promovohet një prej produkteve më të njohura të kësaj zone.

Rakia e manit vazhdon të prodhohet në mënyrë artizanale në Boboshticë, duke ruajtur vlerat unike të këtij produkti aq shumë të njohur.

Filo, solli në vëmendje resurset kryesore natyrore të kësaj zone, që e kanë përfshirë atë në projektin e “100 fshatrave”.

Po ashtu, ai ndalet te investimet kryesore që janë ndërmarrë në Boboshticë, të cilat pritet ta shndërrojnë këtë zonë në një destinacion të qëndrueshëm turistik, me impakt në zhvillimin edhe të ekonomisë lokale.

Rikonstruksioni dhe zgjerimi i rrugës Korçë- Ersekë, ku përfshihet edhe rruga që të çon në Boboshticë, sipas Filos, e bën këtë zonë lehtësisht të aksesueshme për vizitorët vendas dhe të huaj.

Gjithashtu tha Filo, parashikohet ndërtimi i infrastrukturës mbështetëse për aktivitete rekreative dhe sportive, promovimi i produkteve tradicionale, ngritja e fermave agroturistike, promovimi i artizanatit dhe i festave lokale.

Burimi: Agjencia Telegrafike Shqiptare

The post “Festa e Rakisë” në Boboshticë fton turistët këtë fundjavë për të shijuar prodhimet bio appeared first on Bioutiful.

Kreu i bashkisë së Korçës, Sotiraq Filo shprehet se, “në këtë festë ndërthuret gatimi tradicional me vallet popullore, lojërat dhe shumë elementë të tjerë që ruajnë dhe promovojnë traditën korçare”.

Qytetarë, vizitorë dhe turistë do të bashkohen festës në fshatin Polenë, për të shijuar lakrorin e sapopjekur në saç dhe për t’u argëtuar në shoqërinë e njëri-tjetrit.

Lakrori me dy petë i pjekur në saç, një prej gatimeve më të veçanta të zonës së Korçës, për të 13-in vit radhazi ofrohet për të apasionuarit e kulinarisë përmes “Festës së lakrorit”.

Kjo festë është sjellë në kuadrin e aktiviteteve, që organizon Bashkia e Korçës, për të promovuar zonën, traditën e kuzhinës korçare dhe është një vlerë e shtuar për sezonin turistik të këtij fillim shtatori.

Sipas kryebashkiakut Filo, “Festa e lakrorit” është shndërruar në një traditë të përvitshme që e kthen Korçën në epiqendrën e festimeve turistike”.

Burimi: Agjencia Telegrafike Shqiptare

The post Festa e lakrorit në Polenë, promovimi i kuzhinës tradicionale korçare appeared first on Bioutiful.

Festivali tradicional i perimekulturës në Krushë të Madhe, AgroFesta, në edicionin e shtatë vjen me shumë aktivitete perimtare, kulturore dhe rekreative.

AgroFesta tash e disa vite mbledh në Krushë të Madhe qytetarë të shumtë nga i gjithë vendi, të cilët vizitojnë Krushën e Madhe dhe shohin nga afër përkushtimin e madh të krushjanëve dhe punën e tyre në prodhim të perimekulturave dhe produkteve te tyre.

Festivali sivjet mbahet më 20, 21 dhe 22 Gusht 2021me përkrahjen e Komunës së Rahovecit.

Për më shumë info vizitoni faqen zyrtare AgroFesta në Facebook.

The post Festivali AgroFesta 20, 21 dhe 22 Gusht 2021 në Krushë të Madhe appeared first on Bioutiful.

Kryetari i bashkisë së Tiranës, Erion Veliaj tha se tek Kalaja e Tiranës është krijuar një ekosistem ku bëhet art, gatuhet, mbahet tradita shqiptare dhe ku gëlon jeta nga vendas dhe turistë.

Veliaj informoi se Kalaja e Tiranës do të zgjerohet, duke i shtuar një tjetër hapësirë.

“Muret e Kalasë janë ruajtur në të dyja anët, ka jetë, ka ekonomi, punësohen dhe paguhen njerëz, vijnë turistë. Qyteti ka vlerë kur jetohet, jo kur myket për nostalgji. I kemi dhënë jetë kësaj hapësire, ndaj më vjen mirë që qeveria sapo ka miratuar edhe vendimin për t’u zgjeruar, të kemi edhe hapësirën tjetër të Kalasë, edhe shtëpinë e Libohovitëve, edhe shtëpinë e Sarajeve, për t’u siguruar që çfarë është trashëgimi e Tiranës të shijohet sa më shumë nga njerëzit”, nënvizoi Veliaj.

Mbështetja e bizneseve të vogla dhe e artizanëve, përmes panaireve dhe eventeve të vazhdueshme, është një nga prioritetet e Bashkisë së Tiranës, duke i dhënë nxitje ekonomisë lokale, por dhe ruajtjes e promovimit të identitetit të kryeqytetit dhe njohjes së tij nga vizitorët e huaj. Ky aktivitet këtë herë mori një rëndësi të veçantë, duke qenë se edhe Tirana tashmë është hapur plotësisht pas përballjes me pandeminë e COVID-19.

Burimi: ATSH

The post “Festa e fërgesës” rikthehet për vitin e katërt radhazi në kryeqytet appeared first on Bioutiful.