Ky studim u botua në revistën ”Scientific Reports” dhe u bazua në analizën e efekteve të konsumit të një pijeje me bazë kakaon, të pasuruar me flavonoide, antioksidantë natyralë të pranishëm edhe në çokollatën e zezë (ajo me shijen më të hidhur).

Kryer nga ekspertë nga Universiteti i Birminghamit, studimi tregon se pas konsumimit të kakaos të pasuruar me flavonoid, pjesëmarrësit bënë më mirë testet mendore edhe pse ato ishin shumë të komplikuara.

Sipas asaj që është parë me rezonancë magnetike, flavonoidet funksionojnë duke përmirësuar qarkullimin e gjakut dhe nivelet e oksigjenimit në tru.

Natyrisht, kujtojnë autorët e punës, flavonoidët janë shumë të bollshëm sidomos tek frutat dhe perimet, ushqime që janë globalisht më të shëndetshme se çokollata.

Burimi: Agjencia Telegrafike Shqiptare

The post E dinit këtë cilësi të çokollatës fondente? appeared first on Bioutiful.

Të thuash që biskotat e ngrira të Izumit duken shumë të mira për t’u ngrënë është një nënvlerësim. Eshtë e pamundur të besosh se ato janë 100% të ngrënshme, për të mos përmendur që ngrënia e cdonjërës prej tyre duhet të ndihet si të shkatërrosh një kryevepër të përjetshme. 

Artisti japonez i ushqimit përdor talentin e tij për të krijuar dekorime të pabesueshme tre-dimensionale të biskotave me dorë dhe ka zhvilluar aftësinë për të rikrijuar pothuajse çdo personazh të filmave të animuar.

Në disa video që Izumi ka postuar në kanalin e tij në YouTube tregon punën e tij të mundimshme dhe të mahnitshme, duke bërë gjithçka nga e para, duke gdhendur bazën e biskotave, duke formuar fondantin duke përdorur një shumëllojshmëri mjetesh, dhe më në fund duke pikturuar detajet me dorë.

Burimi: Bioutiful.al

The post Nuk do ta besoni, këto nuk janë prodhime porcelani por ëmbëlsira japoneze appeared first on Bioutiful.

Në të vërtetë ëmbëlsirat duhet të konsumohen rreth orës 5 pasdite, kohë kur në trup ekziston sasia më e vogël e insulinës. Kështu nuk do të prishni punën e pankreasit dhe metabolizmi do të jetë i balancuar. Sidomos gjatë pushimeve, adhuruesit e ëmbëlsirave e kanë zakon të hanë një copë ëmbëlsirë gjatë darkës. Sipas nutricionistëve, nuk ka asgjë të keqe të hash diçka të ëmbël pas darke, por, kuptohet, në sasi të moderuar. Nëse nuk do ta kontrolloni veten për ëmbëlsira pas darke, sasia e sheqerit do të rritet dhe rezervat në trup po ashtu.

Ekspertët thonë se kur hani shumë ëmbëlsira gjatë një dite, sasia e madhe e sheqerit të bën të ndihesh i zemëruar dhe të kërkosh më shumë ëmbëlsira të tjera, kjo sepse rritet presioni i gjakut.  Prandaj, në rastet kur e kuptoni se e keni tepruar me ëmbëlsira, hani proteina dhe fibra, shkoni në stërvitje dhe konsumoni ushqime probiotike.

Burimi: Agjencia Telegrafike Shqiptare

The post Ëmbëlsirat, nëse konsumohen në kohën e duhur, nuk janë të dëmshme për shëndetin appeared first on Bioutiful.

Sot prodhimet tipike, tradicionale të zonave, të prodhuara kryesisht me dorë nga gratë, janë një aset i çmuar jo vetëm për ekonominë familjare por me impakt në nxitjen e agroturizmit dhe eksporteve ‘Made in Albania”.

Ministrja e Bujqësisë dhe Zhvillimit Rural, Milva Ekonomi bashkë me koordinatoren e përhershme të UN për Shqipërinë Fiona Mc Cluney, vizituan ditët e fundit, punishten tradicionale të glikove dhe llokumeve në Përmet.

Kjo punishte është ngritur që në vitin 1992 nga dy zonjat, Odeta dhe Eftalia, dy sipërmarrëse të suksesshme që promovojnë vazhdimin e traditës.

Ekonomi u shpreh se, “falë menaxhimit të mirë dhe punës cilësore të 20 grave të punësuara në punishte, produket tradicionale të Përmetit, glikoja e llokumja e bajames, kanë gjetur treg shitje brenda e jashtë vendit, duke përfaqësuar denjësisht Shqipërinë dhe në panairet ndërkombëtare”.

Ministrja tha se, tashmë kemi një ligj për skemat e produkteve ushqimore dhe bujqësore. Ndërsa informoi se ka nisur procesi i identifikimit të produkteve tradicionale në 6 rajone, Dibër, Shkodër, Korçë, Gjirokastër, Vlorë dhe Tiranë, duke përgatitur grupet e para të prodhuesve të produkteve tipike që certifikohen si specialitete tradicionale të garantuara, tregues gjeografikë apo produkte të origjinës.

Sipas saj, ndërtimi dhe zhvillimi i bizneseve të cilësisë bënë të mundur identifikimin, certifikimin, monitorimin dhe mbrojtjen në treg të produkteve që gëzojnë statusin e produkteve tradicionale të aksesueshme në mbi 100 ferma turistike në mbarë vendin.

Një shportë produktesh shqiptare të certifikuara ndikon direkt në zhvillimin e agroturizmit.

Burimi: ATSH

The post Glikoja dhe llokumja e bajames së Përmetit, përfaqësojnë Shqipërinë në panairet ndërkombëtare appeared first on Bioutiful.

Ky “lloj i ri akulloreje”, mund të ndihmojë në parandalimin e kancerit, të sëmundjeve të aparatit tretës, reduktimin e kolesterinës, dobësim dhe përmirësimin e sistemit të imunitetit.

Akullorja është e pasur më kalcium, ajo përmban vitaminat D, A, B12 dhe K, të cilat janë të rëndësishme për shëndetin e organizmit.
Gjithashtu ka indeks të ulët glicemik, çka parandalon krijimin e sëmundjeve të zemrës, nivelet e larta të kolesterinës, qëndrueshmërinë në insulinë, mbipeshēn dhe diabetin e tipit 2.

Megjithatë, ju duhet të jeni të kujdesshëm me konsumimin e akullore, sepse akullorja është e pasur me acide të ngopura yndyrore dhe kalori, ndërsa konsumimi shumë i shpejtë mund të shkaktojë dhimbje të kokës.

Burimi: prof.dr.Anila Kalleshi, nutricioniste klinike

The post Akullorja, të mirat që ka dhe ato që duhet ti ketë appeared first on Bioutiful.