Botime Archives | Bioutiful

Të jetosh pa grurë – libër nga Anila Kalleshi

admin — Fri, 03 Nov 2017 10:40:25 +0000

Shekuj më parë, një bark i madh ishte i priviligjuar, pasi nënkuptonte shëndet dhe sukses, një shenjë që njeriu që e dispononte natyrisht kishte mirëqenie monetare dhe pasuri të paluajtshme.

Në ditët e sotme, nuk ekziston ky koncept. Sot, obeziteti, është demokratizuar. Çdo njeri mund të ketë një bark të madh. Babai juaj e quan shekullin sendimentar të barazvlefshëm me një bark të krijuar nga konsumimi i birrave. Por çfarë ndodh me mamatë, fëmijët, dhe me gjysmën e miqve tuaj dhe fqinjët që nuk konsumojnë birrë dhe që kanë një bark të madh?

Një bark të krijuar nga gruri, meqënëse nuk ekziston një sistem organesh të paprekur nga gruri. Por impakti i grurit në belin tone është karakteri më i dukshëm dhe më i evidentueshëm, një manifestim i transformimit grotesk që vjen si rezultat i konsumimit të grurit.

Një bark i krijuar nga gruri përfaqëson akumulimin e yndyrnave që rezulton ndër vite në konsumimin e ushqimeve që përkeqësojnë insulinën, hormonin e depozitave yndyrore. Kur njerëzit formojnë yndyrna në këmbë, pjesa më e madhe e tyre e grumbullojnë rreth pjesës së mesit. Këto yndyrna qëndrore ose të organeve të brëndshme janë unike: sikundër edhe yndyrnat në pjesë të tjera të trupit, ajo provokon fenomenin e inflamacionit, shtrembëron përgjigjen e insulinës, dhe lëshon sinjale anormale të metabolizmit, pjesës tjetër të trupit. Yndyrnat e organeve të brëndshme gjithashtu prodhojnë estrogjenin duke krijuar “gjoks mashkullor”.

Pasojat e konsumimit të grurit, gjithsesi, nuk janë të manifestuara vetëm në sipërfaqen e trupi. Gruri mundet edhe të depërtojë thellë virtualisht në çdo organ të trupit, nga mëlçia, zemra dhe gjëndra tiroide dhe deri sipër në tru.

Më shumë informacione do ti gjeni të detajuara në këtë libër të dietologes Anila Kalleshi

The post Të jetosh pa grurë – libër nga Anila Kalleshi appeared first on Bioutiful.

“Jeto shëndetshëm” – nga Anila Kalleshi

admin — Sun, 22 Oct 2017 20:13:52 +0000

Ky libër, tregon mënyrën sesi të mund ta mbani veten tuaj që të duket mirë, të ndihet mirë dhe për të jetuar gjatë. Ushqimi ka qenë, është dhe do të mbetet një armë e forte për mbijetesën. Madje thuhet se ushqimi e ka bërë njeriun njeri! Asgjë nuk mund t’a ndryshojë këtë botë më shumë se ç’do ta ndryshonte mënyra e të ngrënit. Një botë me një larmishmëri kaq të madhe ushqimesh, me zgjedhje pafund .

Si mund të bëjmë zgjedhjen e duhur në këtë botë kaq të egër?

Shumë gjëra kanë ndodhur ndaj të kuptuarit tonë të shëndetit, sëmundjes, dhe të ushqyerit në vitet e fundit, dhe unë nuk do të bëja punën time nëse nuk do tju vëjë në dijeni juve për këtë. Shumë zbulime janë bërë: sekretet për një humbje peshe të shëndetshme, parandalimi i sëmundjes Alzheimer, shërimi i depresionit pa ilaçe, dhe pse kanceri i gjirit dhe i prostatës vazhdon që të zhvillohet dhe se si mund të bëni më të mirën për t’i shmangur. Akoma edhe më shumë propozime janë provuar: që “të ushqyerit optimal” në mënyrë dramatike rrisin energjinë, ulin kolesterolin më mirë se çdo ilaç, dhe përgjysmon kohën e shërimit nga infeksionet.

Që nga shfaqja e botimit të parë të këtij libri, unë kam marrë me mijëra dëshmi nga njerëzit, jeta e të cilëve është transformuar nëpërmjet të ushqyerit në mënyrë të shëndetshme. Kjo është puna ime, për të ju ndihmuar juve që të mos keni dhimbje dhe të jeni të shëndetshëm, në mënyrë që ju ta shijoni jetën plotësisht.

Në 390 B.C. Hipokrati tha, “Lëreni ushqimin që të jetë mjekimi juaj dhe mjekimi të jetë ushqimi juaj”, “Doktori i të ardhmes nuk do të japë mjekime, por do të interesohet për pacientët e tij në kujdesin e kornizës njerëzore, dietës dhe shkakut të parandalimit të sëmundjes.”

Në 1960 një nga gjenitë e asaj kohe. Dr.Linus Pauling, shpiku frazën “mjekësia ortomolekulare”. Linus Pauling ishte ndaj kimisë, ajo që Ajnshtajn ishte për fizikën. Duke i dhënë trupit molekulat e duhura, ai pohoi, pjesa më e madhe e sëmundjeve do të çrrënjosen. “Të ushqyerit i shëndetshëm” tha ai, është ilaçi për të nesërmen. Unë besoj se ju mundeni, duke marrë disa masa të thjeshta dhe të lira, të bëni një jetë më të gjatë dhe të shtoni vitet e tua të mirëqenies. Rekomandimi im më i rëndësishëm është që ju të merrni vitamina çdo ditë në sasi optimale për të plotësuar defiçencat me vitaminat që ju merrni në ushqimin tuaj.

Qëllimi i këtij libri është për të ju treguar juve sesi të arrini shëndet maksimal dhe rezistencë ndaj sëmundjeve nëpërmjet të ushqyerit optimal. Pjesa e parë shpjegon principet e të ushqyerit optimal, që tregon një përcaktim të ri të shëndetit, kujdesit të shëndetit dhe mjekësisë.

Pjesa 2 përcakton dietën perfekte – jo e lehtë për t’u përfituar brënda natës, por e mirë për tu frymëzuar.

Pjesa 3, 4 dhe 5 vërteton përfitimet e të ushqyerit bazuar në shkencën ushqyese.

Pjesa 6 ju tregon juve sesi të vendosni të ushqyerin optimal në praktikë nëpërmjet një guide hap pas hapi që ju ndihmon për të përmirësuar dietën dhe të përcaktoni programin tuaj të suplementeve.

Pjesa 7 është një guidë nga A në Z ndaj problemeve shëndetsore specifike dhe sesi ti shëroni ato nëpërmjet të ushqyerit optimal.

Pjesa 8 është një guidë ushqyese nga A në Z: se çfarë bëjnë ato, shenjat dhe shkaqet e defiçencës me vitamina, çfarë duhet të hani, dhe se çfarë suplementesh duhet të merrni.

Pjesa 9 ju jep fakte ushqimore dhe të tavolinës dhe ju ndihmon që të vendosni në praktikë të ushqyerin e shëndetshëm.

The post “Jeto shëndetshëm” – nga Anila Kalleshi appeared first on Bioutiful.

“Mësimet e Diolës” – libër nga Diola Dosti

admin — Tue, 10 Oct 2017 20:28:44 +0000

Libri ‘Mësimet e Diolës, ushqim për çdo sëmundje’ tashmë gjendet në tregun e Kosovës. Së shpejti do të jetë pjesë edhe e librarive në Maqedoni dhe në Shqipëri, edhe në versionin anglisht.

Libri është një përmbledhje e punës afro 5 vjeçare të nutricionistes dhe dietologes nga Shqipëria, Diola Dosti. Është një libër informativ, kulturor mbi ushqimet, sëmundjet dhe rolin e ushqimeve mbi sëmundjet e përmendura. Sëmundjet rrjeshton sipas alfabetit dhe janë ndër sëmundjet më të shprehura në vendet shqipfolëse.

Aty përfshihen receta, këshilla praktike me ushqime të cilat gjenden afër nesh, ushqimet që duhen evituar, ushqimet që duhen shtuar për një pjesë të mirë të sëmundjeve. Por është interesant fakti se libri duket se është edhe një kërkim shkencor pasi për secilin material të publikuar, ka një referencë të marrë kryesisht nga pubmed, si burimi më i sigurtë për sa i përket materialeve shkencore.

Është një libër i një lloji që ka munguar në gjuhën shqipe, me materiale të rralla të cilat mund t’ju shërbejnë të gjithëve. Kjo sepse gjuha e përdorur është e thjeshtë dhe e alternuar që do të thotë se mund ta lexojnë edhe individët që jo domosdoshmërisht janë profesionistë të fushës.

Mund t’ju shërbejë studentëve të mjekësisë, të shkencave natyrore, të bujqësisë, teknologjisë ushqimore etj.

Libri kushton 10 euro dhe është botuar nga Magjia e Librit.

The post “Mësimet e Diolës” – libër nga Diola Dosti appeared first on Bioutiful.

“Dieta?! Jo vetëm” – një libër nga Anila Kalleshi

admin — Tue, 10 Oct 2017 18:42:48 +0000

Jetojmë në një kohë ku ushqimi është shumë i rëndësishëm dhe e gjithë qenia jonë është e lidhur ngushtësisht me të. Një kujdes mjaft i madh vazhdimisht i është kushtuar shkencave të mirëfillta mjekësore si biokimisë, farmakologjisë, ziologjisë, etj duke anashkaluar atë shkencë që ka lidhje të drejtëpërdrejte me qënien tonë siç është shkenca e ushqyerjes.

Mjaft sëmundje të shekullit lidhen drejtëpërdrejtë me këtë shkencë siç është: mbipesha dhe obeziteti, sëmundjet e sistemit kardiovaskular, diabeti i tipit 2, disa lloje kanceresh, madje dhe imazhi jonë që lidhet me mirëqenien e lëkurës, fytyrës, flokëve, thonjve.

Për një mirëqenie të oganizmit tonë, një ushqyerje korrekte do të ishte alternativa më e mirë për t’u ndjerë plot me energji, i fortë për nga sistemi imunitar, i qeshur dhe plot vitalitet si dhe pë të pasur një formë të shkëlqyer trupore.

Shkenca moderne e të ushqyerit na informon që kombinimi i ushqimit që konsumojmë si dhe vetë renditja e ushqimit është faktor vendimtar për shëndetin tonë. Ushqimi duke kaluar nëpër proçese të ndryshme të tretjes në trup, kur kombinohet drejtë sjell mjaf benefite.

Shkencëtarët modern theksojnë që kombinimi jo i drejtë i ushqimit mund të shkaktojë tek njerëzit mostretje të ushqimit, që mund të shoqërohet me nivel e Ph të parregullt dhe jo të balancuar, absorbim të parregullt të përbërësve ushqimorë, konstipacion (kapsllëk) ose probleme tjera me tretje.

Dikur zgjedhja e ushqimit ishte shumë e thjeshtë, ndërsa tani në këtë kohë moderne kemi shumë më tepër zgjedhje. Para 200 viteve të gjithë kanë ngrënë ushqim “natyral” pasi teknologjitë moderne të përpunimit të ushqimeve as që mendoheshin se do të ekzistonin ndonjëherë.

Gjatë vitit 1940 rreth 80% e njerëzve ushqeheshin me “ushqim natyral”. Sot vetëm 25% e njerëzve në realitet arrijnë të konsumojnë “ushqim natyral”.

“Ushqimi natyral” nënkupton ushqim i cili i ka të ruajtura të gjithë përbërësit e tij natyral deri ne momentin nal të konsumimit. Molla është “ushqim natyral” dhe lëngu i mollës i cili është bërë nga mollët e freskëta në shtëpi në mikser është “ushqim natyral”. Mirëpo lëngu i mollës i cili është bërë dhe zier me makinë, pastaj i kanë shtuar sheqer dhe ngjyra, nuk ka absolutisht asnjë lloj lidhje me ushqimin natyral. Kokërrzat e grurit janë ushqim natyral. Po kështu dhe mielli nga kokërrzat e pastra që përmban krunde është ushqim natyral.

Edhe pse zakoni dhe modeli i ushqyerjes ndryshon nga një person tek tjetri dhe dieta mund të përzgjidhet nga një larmishmëri produktesh, seicili nga ne ka nevojë për të njëjtët nutrientë dhe pak a shumë për të njëjtat procione ushqimesh.

Një dietë e mirëekuilibruar është ajo dietë që përmban të gjithë nutrientët e domosdoshëm, si dhe na siguron energjinë e duhur në përputhje me nevojat individuale të seicilit prej nesh. Nëse do të dimë të ushqehemi do të kemi një trup të shëndetshëm në forma perfekte.

Ky libër na ndihmon të bëjmë një korelacion mes artit të ushyerjes dhe proçeseve fiziologjike që ndodhin në organizmin tonë.

The post “Dieta?! Jo vetëm” – një libër nga Anila Kalleshi appeared first on Bioutiful.